اخر الاخبار
الرئيسية 8 الصدى الأدبي 8 إنتصار حياة

إنتصار حياة

روافد العربية:

الكاتبة الشاعرة: أفضيلة آل دحيوي

قصيدة( إنتصار حياة )

يا ألم ترفض جروحك تستقيل
إيش تبي أكثر من إللي ذاب تذيب
دوم جروحك شاعلتن فلقلب فتيل
خاطري ومناي تهد سور القليب
آكتفيت تكفى تراني سيف صقيل
كل من خانه أهانه وله يسيب
روح ترى وخر إللي شبيهي قليل
لي عواطف للفرح دوم تستجيب
ما أبد أرضى يصير خفوقي ذليل
ما أبد أرضى حياتي بالذل تشيب
وش كثر أكره دموعي يوم تسيل
يوم يكون خاطري عليل دمعه كئيب
الكرم طبعي ونوع خيلي أصيل
الوفا أصلي وهو مني قريب
زود غلاي أهديه لكل غالي خليل
طيبتي حقن لهم وصدري رحيب
راعية الجود والعطا فينا سليل
راعية حكمة ودوم عقلي نجيب
مايستهوني كلام شو قال وقيل
يوم أتكلم للهدف قوسي يصيب
وخير الكلام مادل وهو تلقاه قليل
واللغو دامه طول للعيب يجيب
بذرة نبات الجاه كلامنا عود وهيل
نسمة ريحان دلال حكمة وطيب
ما تلاقي كثير من حكمنا بديل
صح لسان العرب طفل ( ن )وشيب
بصراحة دوم أشوف نفسي نخيل
من علاه عاطي بلا كذب وريب
لو نسيم الشرق هب ترى له يستميل
ما يميل حق هو ى ثاني غريب
لا شمال لا غير أبد صعب أميل
العرب بس هم لمن قلبي حبيب
هم هلي لهم كياني أصبح عقيل
هم أملي وأمالي لا خابت ولا تخيب
سلام الله تعالى لكم من قد نحيل
من تلامس العلا بفكر وقلم أديب
ولعلى حلم (ن) أشوفه مستحيل
بس بإذن رب الخلايق( مب) صعيب
و للأماني لازم (ن) صبرا طويل
لو أبيها توصل لمجد وله تصيب
لو أريد ما يرد عمري عليل
لو أريد أنسى العذاب ونار النحيب
أكيد أستعين بدعاي للجليل
هو قريب منا لدعوانا مجيب

عن سلطان المشيطي

سلطان نايف المشيطي كاتب اجتماعي رئيس تحرير صحيفة روافد عضو هيئة الصحفيين السعوديين، عضو أكاديمية روافد للتدريب والإستشارات عضو مشارك في جريدة المدينة عضو مشارك في جريدة الجزيرة ، له العديد من المقالات الاجتماعية التي تلامس حاجات المواطن. للتواصل عبر الإيميل Soltan.elharby2015@hotmail.com للتواصل عبر تويتر ⁦‪@sultan_almsheti‬⁩
x

‎قد يُعجبك أيضاً

كيان . تستقبل تبرعاتكم وزكواتكم

        بدعمكم نبني كيان اليتيم قال صلى الله عليه وسلم انا وكافل ...