الرئيسية 10 الصدى الأدبي 10 المجد والعليا

المجد والعليا

بقلم الشاعره أحلام الدوسري

كل عام وانا لك ذخر وانت الفخر في كل عيد
يامملكتنا الغاليه فخر العرب تمثالها

المجد والعليا نصر ماهي مجرد بس نشيد
تاريخ سطر مجدنا في حزوز  كف رجالها

غنت بها عيون الحسا والتمر في حضن الجريد
بالخبز الاحمر بصموا حنا لها حنا لها

والفيصليه دندنت والمملكه صوبه اكيد
هيبة شموخ راسيه فتت حشا عذالها

وبمكه ضجوا  بالحرم اللي عنوا لك من بعيد
لبوا صفوف وكبروا مستامنين ظلالها

ومن طابت بطيب النبي واصحاب ساده من عبيد
دعا فداه امي وابي بالخير حدر رمالها

اسمع صداها في اجا و ذي سلمى مغناها فريد
يطلع بها طي بنغم  وينزل على موالها

ونسناس من ابها خطير يراقص الغيم الرعيد
تغمز له الباحه وانا ويهب طيب لفالها

كلهم تغنوا سارعي شيبانها حتى الوليد
في دمه يناغي بها ولا هو وده قالها

حتى عجوز ما فطنت الا على ضرب العصيد
لك ربت رجال  وفت  ودعا بصدق جلالها

ربت جنود  همهم مابين عز او شهيد
من رعدهم و لحدهم للكايده شيالها

لقادة سطامة  لطامة وجه الشديد
الهينه بالبينه  ردودها بافعالها

الموحده المتوحده المجيشه قلوب حديد
المحنكه المحكحكه لسلومها باهوالها

ال السعود اللي ابو يانكون ياقطع الوريد
اعيال اخو نوره الكفو ساق الصعيبه نالها

عبدالعزير اللي وفاوبصدقه خلدنا المجيد
بركعتين الفاتحه وبسيف احدب حالها

وليومنا بابو فهد وانا على العليا نسيد
وولي  عهد هيبته تصفق حشا انذالها

سلمان يا فزع الوغى ثمن وتلقانا الرصيد
اللي تحده اليمين ما نفلته بشمالها

لايهمك اللي ماوفوا والطيب فيهم مايفيد
ياسيدي منك العفو ونذر ماهو باشلالها

اشر ونحسمها ندم ونشب نار ما تبيد
اطلبنا عين ولك فدا بالثانيه من حالها

حنا ان لقمناها دسم واذا قسمناها تزيد
تتبع  اسامينا ونعم تشهد  لها أمثالها

حنا اخوتنا شرف حنا على الدنيا عضيد
زبن لدخيل حاجته في صدورنا منزالها

همتنا للقمه نعم سعودي بعزمه عنيد
ومن كيفه بروس الدلال ما يستلذ حثالها

وانا  وسلطان الشعر لاجلك  نظمنا هالقصيد
فليتها ركاب الغلا وسلطان شد رحالها

وجمهورنا من حولنا صفق وهو باسم سعيد
اصوات صفقه فمسمعي نموت محد طالها

و خذوها  مني ياعرب والدوسريه ما تعيد
ان طابت علوم الفرس فالطيب من خيالها

عن اللجنة الإعلامية

x

‎قد يُعجبك أيضاً

الصلاة حياة في مساجدنا / شعر شهوان بن عبد الرحمن الزهراني

الصلاة حياة في مساجدنا فزّ الـخـفـوقُ وزال الــهــمُّ والـكـدرُ … فـعـادت الــروحُ فــي الأجـساد تـنتشرُ ...

%d مدونون معجبون بهذه: