الشيب ضيف ..للشاعر عبدالله القرني

روافد : عبدالعزيز العنزي

الشيب ذلك اللون الأبيض الذي يغطي سواد الشعر سوادا كاملا أو جزئيا هو سمة من سمات الوقار والحكمة..
لم يغفل الشعراء في قصائدهم الشيب وهمومه فأبدعوا بأجمل القصائد والكلمات فيه.

وهذا الشاعر عبدالله القرني يبدع في قصيدة الشيب ضيف:

على الملا نادتني اتقول ياعم
الدور دورك واخدمك في ثواني

شعرت بالحسرة وبادرني الغم
ولفّت بي الدنيا وأنا في مكاني

هي مالها ماقالت اسمي ولا الرقم
وأقول يالبيه يامن دعاني

ترى بياض الشيب في عارضي وهم
باقي شباب وشيب راسي غزاني

يا آنسة شيبي غشاني من الهم
ياكم تجرعت الأسى في زماني

من نيتي لونه ومن طيبي الجم
يمكن ! ولو ماكنت يالله عساني

اللي حياته كلها آمر وسم
لا الشيب يوصل له ولاهو يعاني

وانا جرعت امرار بالكيف والكم
أخذت من دنيا العنا ما كفاني

الشيب ضيف ولازم الضيف يُكرم
الشيب نور ومن جَلاله كساني

تكفين لي مطلب ولا تعجزك ” تم ”
نادي برقمي لا تهزي جَناني !

عن شعبان توكل

شاهد أيضاً

سلام الله على رؤية .. شعر

 مبروك بن ماضي/ شعر سلام الله على رؤية لَفت لأجمل وطن بالخير وعمّت مملكتنا الغالـية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *