” بادين “

فهـــــــــــد غازي
يا بايدن وشفيك تجمع حثالات
و تلمِّعْ “المتردية و النطيحةْ”

هيهات من حُكْمك و حكمتك هيهات
فضيحتك يا كبرها من فضيحة

خليت واشنطن تضيْعْ بمتاهات
زاد التضخم و الموارد شحيحة

هيبتك ضاعت و احتسيت المرارات
سُلْطتك بفراش المذلة طريحة

تهديدك اللي تحتفي به جماعات
في البيت الابيض شوف دمّه وقيحه

تشحذ و لد سلمان ترسل وساطات
و مكالماتك كل يومٍ شريحة

جرب تويتر يا حلو و السنابات
و الله وقعت و طيحتك خس طيحة
ودك تحدى مملكتنا.. سلامات !
كم حذروك اهل الفهِم و النصيحة

الشعب مخلص و القيادات هامات
و اللي على شكلك نزيحه نزيحه

في صبرنا حكمة و في الحزم صليات
و اللي يخون المملكة ما نبيحه

وش قيمتك بعيون شيخ الإمارات
و في القاهرة سمعتك صارت قبيحةْ

وش هي علوم الروس و الصين بالذات
بيقسّمون الغرب مثل الذبيحة ؟

و حضرتك ضايع في حلوم و شعارات
و تحمل لِوا ” المتردية و النطيحةْ”

 

عن شعبان توكل

شاهد أيضاً

فيديو..جاء الصباح

بقلم نوال العزي / كاميرا محمد الباسل    

اترك تعليقاً

لن يتم نشر عنوان بريدك الإلكتروني.